239 89 46   მოგვწერეთ
 
 
პნევმონიასთან ბრძოლის მსოფლიო დღე

პნევმონიის მსოფლიო დღე - 12 ნოემბერი

ბავშვთა პნევმონიის გლობალურმა კოალიციამ გამოაცხადა პნევმონიის მსოფლიო დღის წლევანდელი სლოგანი - „უნივერსალური ხელმისაწვდომობა პნევმონიის პრევენციასა და მკურნალობაზე“.  წელს პნევმონიის მსოფლიო დღე მეექვსედ აღინიშნება. 12 ნოემბერს ყველა, ვინც  პნევმონიის პრობლემაზე მუშაობს, მოუწოდებს მთავრობებს გააძლიერონ პნევმონიასთან ბრძოლის ძალისხმევა, რათა ამ დაავადების პრევენციულ და სამკურნალო სერვისებზე ხელი მიუწვდებოდეს თითოეულ ბავშვს .

წლევანდელი პნევმონიის მსოფლიო დღის კოორდინატორი ჩარლს ნელსონი (მალარია კონსორციუმის აღმასრულებელი დირექტორი) ამბობს:  „ჩვენს პარტიონრებთან ერთად ბავშვთა პნევმონიის პრობლემაზე მუშაობისას, წლევანდელი პნევმონიის მსოფლიო დღის თემად ავირჩიეთ პნევმოვნიის პრევენციასა და მკურნალობაზე ხელმისაწვდომობის გაზრდა. ყველა ჩვენი პარტნიორი მზადაა წვლილი შეიტანოს ბავშვთა ნომერ პირველი მკვლელი ინფექციური დაავადების უნივერსალური ხელმისაწვდომობის გაზრდის საკითხში.“

პნევმონია წამყვანი ინფექციური დაავადებაა სიკვდილიანობის მხრივ 5 წლამდე ასაკის ბავშვებში.  

  • მხოლოდ 2013 წელს, 900 000 ბავშვზე მეტი დაიღუპა ამ თავიდანაცილებადი და განკურნებადი დაავადებით. ეს ციფრი ხუთ წლამდე ასაკის ბავშვების სიკვდილის 15%-ს შეადგენს მთელი მსოფლიოს მასშტაბით, მათ შორის 2% ორ წლამდე ასაკის ბავშვია.
  • ბავშვები გაჭირვებულ და სოფლის გარემოში ყველაზე მეტად ავადდებიან პნევმონიით. ბავშვთა პნევმონიის გავრცელების კუთხით 15 წამყვანი ქვეყანაა ინდოეთი, ნიგერია, პაკისტანი, კონგოს დემოკრატიული რესპუბლიკა, ეთიოპია, ჩინეთი, ანგოლა, ინდონეზია, ავღანეთი, კენია, ბანგლადეში, სუდანი, უგანდა, ნიგერი და ტანზანია.

 

პნევმონია მნიშვნელოვან ეკონომიკურ ტვირთს უქმნის ოჯახებს, საზოგადოებას და მთავრობებს. 

 

  • პნევმონიის პრევენცია ამცირებს მკურნალობს ხარჯებს, ამ დაავადებასთან ასოცირებულ სხვა დანახარჯებს; და საშუალებას აძლევს ბავშვებს გახდნენ ჯანმრთელი, შრომისუნარიანი მოზრდილები
  • მსოფლიოს ყველაზე ღარიბ 73 ქვეყანაში (2011-2020) ჰემოფილუს ინფლუენცა ბ ტიპის ვირუსის (Hib) და პნევმოკოკის საწინააღმდეგო ვაქცინაციის დაფარვის გაზრდით, პნევმონიის მკურნალობასა და შრომისუნარიანობის დაკარგვასთან ასოცირებულ დანახარჯებზე 51 მილიარდი აშშ დოლარი დაიზოგება
  • ვაქცინაციების დაფარვის გაზრდა გადაარჩენს 2.9 მილიონ სიცოცხლეს და თავიდან აგვაცილებს დაავადების 52 მილიონ შემთხვევას

 

პნევმონიის საწინააღმდეგო გლობალური ინტერვენციები

 

ბავშვთა პნევმონიის კონტროლისთვის ღონისძიებათა ინტეგრირებული პაკეტი არსებობს. საბედნიეროდ ბევრი ღონისძიება, რომელიც მიმართულია პნევმონიის კონტროლისაკენ, ასევე ახდენს ბავშვთა სხვა მრავალი დაავადების კონტროლს, როგორიცაა მაგ. დიარეა. საჭიროა ეს პაკეტი იყოს ბავშთა გადარჩენის  სრულყოფილი მიდგომის ნაწილი.  

პნევმონიისგან დაცვა

  • ძუძუთი ექსკლუზიური კვება სიცოცხლის პირველი 6 თვის განმავლობაში და ადეკვატური კვება 5 წლის განმავლობაში ბავშვებს იცავს პნევმონიის, დიარეის, ნუტრიციული დარღვევებისა და სხვა დაავადებებისგან
  • ხელების რეგულარული დაბანა და სუფთა წყალსა და სანიტარულ საშუალებებზე ხელმისაწვდომობა იცავს ბავშვებს იმ პათოგენებისგან, რომლებიც იწვევენ პნევმონიას, დიარეასა და სხვა დაავადებებს
  • ოჯახებში ჰაერის დაბინძურების, განსაკუთრებით ღუმელებიდან სახიფათო გამონაბოლქვი კვამლის აღმოფხვრა, ამცირებს ბავშვებში მძიმე პნევმონიის განვითარების რისკს
  • ანტიბიოტიკებს, როგორიცაა ამოქსიცილინი, შეუძლიათ პნევმონიით გამოწვეული სიკვდილის შემთხვევების უმრავლესობის თავიდან აცილება. ამ წამლებით მკურნალობის მთლიანი კურსის ღირებულებაა მხოლოდ 0.21-0.42 აშშ დოლარი.  
  • ეფექტური ინტეგრირებული შემთხვევის მართვის სტრატეგია უზრუნველყოფს ბავშვებში პნევმონიის სწორი და დროული მკურნალობის მიწოდებას
  • პნევმონიის კონტროლისთვის გადამწყვეტია სერვისებზე ხელმისაწვდომობის გაზრდა და საზოგადოებაში ცნობიერების ამაღლება.

პნევმონიის მკურნალობა

  • ანტიბიოტიკებს, როგორიცაა ამოქსიცილინი, შეუძლიათ პნევმონიით გამოწვეული სიკვდილის შემთხვევების უმრავლესობის თავიდან აცილება. ამ წამლებით მკურნალობის მთლიანი კურსის ღირებულებაა მხოლოდ 0.21-0.42 აშშ დოლარი.  
  • ეფექტური ინტეგრირებული შემთხვევის მართვის სტრატეგია უზრუნველყოფს ბავშვებში პნევმონიის სწორი და დროული მკურნალობის მიწოდებას
  • პნევმონიის კონტროლისთვის გადამწყვეტია სერვისებზე ხელმისაწვდომობის გაზრდა და საზოგადოებაში ცნობიერების ამაღლება.
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
© NCDC.GE 2012   Created By VISUAL STUDIO