საქართველოში C ჰეპატიტის დიაგნოსტიკა 90-იანი წლების მეორე ნახევრიდან გახდა შესაძლებელი და 1996 წლიდან მისი რეგისტრირებული შემთხვევები განუხრელად მატულობს. 2010 წელს 2009 წელთან შედარებით შეინიშნება შემთხვევების მატება 4%-ით, ქრონიკულ ფორმათა მატების ხარჯზე. ლეტალობამ 1,1% შეადგინა. დაავადების შემთხვევათა დიდი წილი მოდის 30-59 წლის ასაკობრივ ჯგუფზე.

2009-2010 წლების C ჰეპატიტის მწვავე და ქრონიკული შემთხვევების ინციდენტობა  

ჯანმრთელობის მსოფლიო ორგანიზაციის რეკომენდაციებით სახელმწიფო პოლიტიკა მიმართული უნდა იყოს სპეციფიკურ აქტივობებზე, რათა შევინარჩუნოთ დაავადებულთა სიცოცხლე და თავიდან ავიცილოთ ახალი შემთხვევები, ამისათვის უნდა გადავკეტოთ ყველა ის გზა, რა გზებითაც ხდება ჰეპატიტის ვირუსების გადაცემა. აქედან გამომდინარე, უნდა მოხდეს:

• ვირუსული ჰეპატიტებისა და მათ მიერ გამოწვეულ დაავადებებთა სკრინინგისა და კონტროლის გაძლიერება,
• ვირუსული B ჰეპატიტის საწინააღმდეგო აცრებით მოცვის გაზრდა და ვაქცინაციის ინტეგრაცია იმუნიზაციის ნაციონალურ პროგრამასთან,
• სადიაგნოსტიკო, სამკურნალო აპარატურისა და საინექციო საშუალებების სრულყოფილი სტერილიზაციის უზრუნველყოფა,
• ”უსაფრთხო სისხლის პროგრამის” გამართული მუშაობა,
• მოსახლეობაში (განსაკუთრებით ახალგაზრდებში) ცხოვრების ჯანსაღი წესის, უსაფრთხო სქესობრივი კონტაქტისა და პირადი ჰიგიენის წესების პრაქტიკის დანერგვა,
• უსაფრთხო წყლისა და საკვების უზრუნველყოფა, რაც საუკეთესო დაცვაა HAV და   HEV ინფექციებისაგან.
• HBV და   HCV შემთხვევების  დროული დიაგნოსტიკა და მკურნალობა, რაც არა მარტო მათი სიცოცხლის შენარჩუნებაში დაგვეხმარება, არამედ ინფექციის წყაროს გაუვნებელყოფაშიც.

ინფორმაციის წყარო:

http://www.who.int/mediacentre/events/annual/world_hepatitis_day/ru/index.html

http://www.cdc.gov/hepatitis/index.htm

who.int/csr/disease/hepatitis/world_hepatitis_day/whd_2011_toolkit.pdf

დკ&სჯეც სტატისტიკის  განყოფილება